Ofurhetjur í einn dag

Ofurhetjur í einn dag - eftir Önnu Steinsen

Bókin fjallar um mikilvægi þess að sýna samkennd og vináttu. Hún fjallar um stúlku sem er að byrja í nýjum skóla, þekkir engan og vonast til þess af allri einlægni að eignast vinkonu eða vin. Hún kynnist svo stelpu sem hjálpar henni og styður þegar krakkarnir eru leiðinlegir við hana. Þær eiga stutt spjall um lífið og tilveruna og ákveða svo að leika ofurhetjur í einn dag og skemmta sér konunglega.

,,Markmiðið með bókinni er að valdefla ungar stúlkur og í raun öll börn með lestri bókarinnar. Minna okkur á að við getum oft meira en við höldum. Það er svo mikilvægt að við drögum fram það besta í hvort öðru, hvetjum og hrósum og skoðum það jákvæða hjá öðrum. Styðjum hvert annað og veitum hjálparhönd" segir Anna.

Allur ágóði bókarinnar rennur til kjarnaframlaga UN Women.